<HTML> <HEAD> <TITLE>Roman de Rou de Wace</TITLE> <META  name="keywords" content="Anglo-Norman, Jerriais, Jersey-French, poetry, Normandy, Geraint Jennings"> </HEAD> <body bgcolor="#ffffff" text="#000000" link="#ff0000" vlink="#215e21">  <CENTER><a href="http://www.societe-jersiaise.org/geraint/jerriais/" target="_top"><img align=middle src="coolme2.jpg" width=156 height=129 border=0 alt="Les Pages J&egrave;rriaises"></a></CENTER><p> &nbsp;<p> &nbsp;<p>  <CENTER><font color="#215e21"><h2>La Chronique Ascendante des Ducs de Normandie</h2></font><br> du<br> <font color="#215e21"><h2>Roman de Rou</h2></font><br> de<br> <h2><a href="wace.html">Wace</a></h2><p></CENTER>  <CENTER>&nbsp;<p> <IMG SRC="wace.jpg" WIDTH=360 HEIGHT=248 alt="Dans l'Vi&egrave;r Marchi"><p> &nbsp;<p></CENTER>  <CENTER> <TABLE> <TR> <TD>   Mil chent et soisante anz out de temps et d'espace<br> puiz que Dex en la Virge descendi par sa grace,<br> quant un clerc de Caen, qui out non <a href="wace.html">Mestre Vace</a>,<br> s'entremist de l'estoire de Rou et de s'estrasce,<br> qui conquist Normendie, qui qu'en poist ne qui place,<br> contre l'orgueil de France, qui encor les menasce,<br> que nostre roi Henri la congnoiss&euml; et sace.<br> Qui gaires n'a de rentes ne gaires n'en porcache ;<br> mez avarice a frait a largesce sa grace,<br> ne peut lez mainz ouvrir, plus sont gelez que glace, .<br> ne sai ou est reposte, ne truiz train ne trace;<br> qui ne soit losengier ne encort liu ne place,<br> a plusors i fait on la cue lovinace.<br> Ce ne fu mie el temps Virgile ne Orace<br> ne el temps Alixandre ne Cesar ne Estace,<br> lores avoit largesce vertu et efficace.<p>  Du roi Henri voil faire ceste premiere page,<br> qui prist Alianor, dame de haut parage,<br> Dex doinst a ambedeuls de bien faire courage!<br> Ne me font mie rendre a la court le musage,<br> de dons et de pramesses chascun d' euls m' asouage ;<br> mez besoing vient souvent qui tost sigle et tost nage,<br> et souvent me fait meitre le denier et le gage.<br> France est Alienor et debonnaire et sage ;<br>  ro&yuml;ne fu de France en son premier aage,<br>  Loo&yuml;s l' espousa qui out grant mariage;<br> en Jerusalem furent en lonc pelerinage,<br>  assez y traist chescun travail et ahanage,<br>  Quant reparriez s' en furent, par conseil du barnage<br>  s' em parti la ro&yuml;ne o riche parentage;<br>  de cele departie n'out elle nul damage ;<br>  a Poitiers s'en ala, son naturel manage,<br>  n'i out plus prochain heir qu'el fu de son lignage.<br>  Li roiz Henri la prist o riche mariage,<br>  cil qui tint Engleterre et la terre marage<br>  entre Espaingne et Escosce, de rivage en rivage ;<br>  grant parole est de lui et de son vasselage,<br>  des felons qu'il destraint comme oysel clos en cage ;<br>  n' a baron en sa terre o si grant herbergage<br>  qui ost le pais enfraindre em plein ne en boscage,<br>  se il peut estre ataint, n'et des membres hontage,<br>  ou qu'il n'i lest le cors ou l' ame en ostage.<p>   La geste voil de Rou et dez Normanz conter,<br>  lors faiz et lor pro&euml;sce doi je bien recorder.<br>  Les boisdies de France ne font mie a celer,<br>  tout tens voudrent Franchoiz Normanz desheriter<br>  et tout tens se penerent d' euls vaincre et d'els grever,<br>  et quant Franceiz nes porent par force sormonter<br>  par plusors tricheries lez soulent agraver ;<br>  forsligni&eacute; sont dont l' en souloit chanter,<br>  faux sont et souduianz, nuz ne s'i doit fier;<br>  d'avoir sont covoiteuz, n'en nes peut avonder,<br>  de doner sont escars et demandent aver.<br>  Es estoires peut on et es livres trover<br>  qu' onques Francheiz ne voudrent as Normans foi porter,<br>  ne por fiance faire ne por sur sainz jurer;<br> nepoureuc bien lez seullent lez Normanz refrener,<br>  non pas par tra&iuml;sons mez par granz cops donner.<br>  Se lez Franceiz pooient lor pensez achever,<br>  ja li roiz d'Engleterre n'avrait rienz decha mer,<br>  a honte l'en feroient, s'il pooient, passer-<br>  Au siege de Roem le cuiderent gaber;<br>  s'il le pe&uuml;ssent prendre ou par force enz entrer<br>  tout temps mez li fe&iuml;ssent par eschar reprover,<br>  mez quant Henri y vint n'i ouserent ester<br>  ne il n'i pe&uuml;ssent mie asse&uuml;r sejorner.<br>  Par nostre novel roi, qui roi ne peut regner,<br>  cuiderent Normendie toute prendre ou gaster.<br>  lez fiz mesconseillierent por le pere encombrer.<br>  Donc vo&iuml;ssiez Henri par cez marches haster,<br>  de l'une tere a l'autre et venir et aler,<br>  trois jornees ou plus en un soul jour errer ;<br>  ceu cuidoient sa gent que il de&uuml;st voler.<br>  Ne puiz les chevaliers qu'il out prisons nombrer,<br>  en aneaux et en buies les fist enchaiener<br>  mez nes vout, tant fu noble, pendre ne dezmembrer.<br>  Li baronz de la terre, mez je nes voil nombrer,<br>  qui le fiz vers le pere firent deznaturer<br>  et le pere et le fiz firent entremeller,<br>  le pere pour le fiz voudrent deshonorer.<br>  dez gaaings qu'il i firent ne se pourent vanter,<br>  s' il vouloient lor pertes provoier et esmer,<br>  jamez en lor a&eacute; nel porront restorer,<br>  ne lor fiz ne lor filles nes porront estorer.<br>  Lor vingnes et lor boiz fist li roiz estreper<br>  et lor maisons ardoir et lor chasteaux gaster,<br>  de lor gaaing ne poent fors lor honte monstrer ;<br>  bien lor vient s'il lor poent par itant eschaper.<br>  Laist Henri dez Franceiz le venir et l' aler,<br> par messages parrout, de loing les face ester;<br> mout li vont a engin, Dex l' en doinst bien garder,<br> tel envie ont de li qu'il nel poent amer,<br> volentiers le feroient le blanc el noir muer;<br> mez Henri est tant sage, tant puissant et tant ber,<br> tant a terres, tant viles, tant peut hommes mander,<br> Loe&iuml;s et les suenz peut il faire trembler.<p>  Henri out assez teres, qui out Tors et Touroingne,<br> Anjou out et le Maingne de son droit patremoingne,<br> Normanz et Engleiz out de son droit matremoingne,<br> o la ro&yuml;ne prist tout Petou et Gascoingne.<br> Li roiz donc je vous di est de bon testemoingne,<br> n'est mie perechoux d'aler en sa besoingne,<br> de l'escu pendre au col et de vestir la broine;<br> boiz aim&euml; et rivieres quant il n'a d'et besoingne,<br> l'orguil des felons homs chasti&euml; et besoingne,<br> n'esparne de justice provoire ne chanoingne;<br> tel paiz font en .sa tere com en cloistre font moingne.<p>  Henri estoit petiz quant la guerre li crut<br> du roi Estevenum, qui a grant tort li mut ;<br> Maheut l'empere&iuml;z, qui mere Henri fut,<br> en soustint maint travail, mainte foiz s'en dolut.<br> Au siege de Vincestre si grant bont&eacute; parut,<br> quarante jours i fut, Damedieu li ajut .<br> Onques jour asse&uuml;r n'i menja ne ne but,<br> mil armez i mena, Dex, tante lance i fut .<br> N'i a si bon vassal qui de travail ne sut,<br> hons n'i peut autre ateindre qu'il net prenge ou ne tut.<br> Priz fu li quens Robert que Maheut secorut,<br> pour sa serour rescourre l'estor unge arestut,<br> et Maheut s'en ala tant com cheval corut;<p>  dedenz Oxenefort troiz moiz et trois jours jut,<br> assise en un chastel, que issir ne l' en lut.<br> Par nuit s' en eschapa, que hons ne l' aperchut,<br> fors ceuls qui l' enmenerent, qu' a conduire l' estut,<br> n'i a si bon ami qui au partir salut ;<br> neif fut grant, mez geler souz la neif li valut,<br> un lincheul affluba, sez anemis dechut,<br> ad Walerigefort ou Br&iuml;ens la rechut;<br> mout fu dolenz li roiz quant il ne l'aconsut.<br> Estiennes n'out onc paiz ne avoir ne la dut,<br> quer mal conseil cre&iuml; et mal conseil li nut.<br> tant le destrainst li roiz que son droit recongnut,<br> du regne l'erita, qui a ceus moult crut<br> a qui la guerre plest et a qui la paiz plut,<br> diz et noef anz fu roiz, a cet terme morut,<p>  Henri fu fiz Henri, fiz sa fille Mahaut,<br> empere&iuml;z de Romme, ne pout estre plus haut.<br> Cil fu roiz moult puissant, n'out voisin tant plus haut<br> que il ne li fe&iuml;st, s'il veusist, prendre (a)saut,<br> n'esparna de justice ne bas homme ne haut ;<br> por amisti&eacute; de dames out maint froit et maint chaut;<br> maint bon chastel ferma et prist maint par assaut,<br> abe&iuml;e(s) fist a Raduignes une qui bien vaut.<br> Grant deul fu de sa mort, mez as felons n'en chaut,<br> quer a euls nen est gaires qui vieinge ne qui aut;<br> trente sept anz fu roiz, preuf de demi en faut.<p>  Henri fu fiz Guillaume qui plusour ont o&iuml;,<br> qui sainte eglise ama et mout i entendi-<br> Chevalier out en lui corajouz et hardi,<br> mez quant primes tint tere, diz anz ou plus, ce cul,<br> des baronz du pa&iuml;s li sont plusors failli,<p>   serement et fiance trespass&eacute; et menti;<br>  petit estoit et gemble, ne l'ont mie cheri,<br>  n'ourent por lui garant ne manant ne mendi.<br>  Au doziesme an qu'il tere maintint et mainborni<br>  es plainz de Vallesdunes un estour enva&iuml;,<br>  de Neel et d'Ernouf la terre deffendi,<br>  deuz orgueilloux viscontes qui l'orent enva&iuml;.<br>  Tant out li roiz de France et proi&eacute; et servi<br>  qu'il vint en sa besoingne et maint coup i feri;<br>  un des Costentinoiz sus l' escu le feri,<br>  de ceu dit l' en encore : de Costentin iessi<br>  la lance qui le roi qui tint France abati.<br>  Neel fu desconfit et Ernouf s' en fu&iuml;,<br>  et li dus o sez genz lez fuianz parsu&iuml;,<br>  en Ongne envoia maint ou il les embati.<br>  Puiz prist Damfront par force, quinze moiz l'asailli,<br>  troiz chasteaux fist dehors, mout s'en tint a honni<br>  Martel, li quens d' Anjou, qui le chastel perdi,<br>  la contree tenoit, onques puiz n'en jo&iuml;.<br>  Mout fu vaillant et prouz Guillaume donc je di,<br>  la Mainne et le(z) Mans as Manseaux le toli,<br>  la tour i fist de pierre qu'il tint pose et garni,<br>  et l'orgueil as Bretons mainte foiz confondi.<br>  Engleterre vainquit et lez Engleiz conqui;<br>  ce fu et moiz d' outouvre au jour saint Calesti<br>  que la bataille fu, la ou maint hom peri,<br>  donc fu Guillaume roiz, grant honor recuilli ;<br>  mil anz et soisante siz out de terme acompli<br>  puiz que Dex de la Virge en Beleen nasqui,<br>  quant li dus devint roiz et l'onor recuilli ;<br>  la fist une abe&iuml;e ou il se combati.<br>  Deuz autres abe&iuml;es a Caen establi,<br>  la ro&yuml;ne sa fame en une enseveli,<br>  en l'autre giest son cors si com il le choisi ;<br>  trente deuz anz fu duc et bien li escha&iuml;,<br>  et puiz fu rois et dus vingt un an et demi.<br>  Par toute Normendie paiz et treues bani<br> du mecredi au jour duc'au main du lundi;<br>  qui entretant prist un ne homme asaut bati<br>  d' escumeniement en sentence cha&iuml;,<br>  de noef livres fust envers l'evesque en merchi,<br>  Li roiz au moriant sez terres departi;<br>  a Robert son ainnez Normendie guerpie<br>  et Guillaume le roiz d'Engleterre sessi,<br>  ce estoit son conquest, si pout bien faire issi ;<br>  Sez tresors donna touz au puisn&eacute; fiz Henri,<br>  et Henri out puiz tout qui puiz longues vesqui-<br>  A Roen jut malade et a Roen feni,<br>  a Caen l' emporterent si homme et si ami,<br>  et moustier Saint Estienne ont le cors enfo&iuml;,<br>  devant li maistre autel, Dex ait de lui merchi.<p>   Li roiz Guillaume fu fiz Robert, un baron<br>  du fieu de Normendie, moult par fu gentiz hon.<br>  Ce fut tout le plus large dez Normanz, ce dit on,<br>  a chescun quil servi rendi son guerredon,<br>  lez lieprouz revestoit et donnoit garison,<br>  noble fu et cortoiz et de noble fachon;<br>  dez noblesces qu'il fist, si comme nous lison,<br>  et du contenement qui iert en sa meson,<br>  de chandele et de vin et d'autre livroison,<br>  porroit un sage clerc fere une grant lechon.<br>  Cerisi&eacute; estora et mist relegion.<br>  En Jerusalem fist peregrination<br>  en langes et nus piez a grant devotion;<br>  longue anz la grant erre ala querre pardon,<br>  le sepulcre baisa et i fist s' oroison ;<br> puis fu ocis a Nice par envenimoison,<br> un gars l'envenima par conseil d'un felon<br> qui estoit sez parenz, si fu grant tra&iuml;son.<br> Sept anz tint Normendie en sa subjecion,<br> et dan Richart son frere devant lui, ce savon.<p>   Robert fu fiz Richart, qui lez moingnes ama,<br>  povres et besoingnoux doucement conseilla,<br>  as mendis veste&uuml;res et a mengier donna.<br>  vers seignor ne vers homme guerre ne commencha,<br>  et se hons li fist tort son droit en porcacha,<br>  qui mal fist a sez hommes, fierement les venja.<br>  Religiouse gent maintint et gouverna,<br>  Fescamp, une abe&iuml;e, crut moult et essaucha,<br>  que si peres Richart premierement fonda ;<br>  chagnoingnes i mist cil, mez il les en osta,<br>  lez moignes qu'il i mist de Digon amena.<br>  Ving et noef anz tint terre, au trentiesme fina.<br>  Richart fu fiz Richart donc je vous dirai ja,<br>  bien le porra congnoistre qui l'estoire luira ;<br>  c'est Richart li premiers qui Gonnor espousa<br>  et qui fu fiz Esprote donc mainte gent parla.<br>  Cil n'out onques poour ne ne s'en porpensa ;<br>  mainte merveille vit, maint fantosme trouva,<br>  onques de nulle rienz son cuer ne s'ezfroia,<br>  par nuit autresi tost comme par jour erra ;<br>  boiz ama et rivieres et moult s'i delita,<br>  si furent si fier tant com et pais dura,<br>  Saint Oiem de Roem, ou il moult repaira,<br>  et le Mont Saint Michiel richement estora<br>  et Saint Vandrille en Cauz de sez terres fieufa ;<br>  le moustier de Fescamp fist fere et compassa,<br>  clers y mist pour servir, rentes y aseia,<br>  puiz lez ourent li moingne quant la chose mua.<br>  Les cors de Normendie a garder commanda,<br>  n'estoit mie coustume, mez il le commencha,<br>  ceu fist il pour un cors qu'en un moustier trouva.<br>  Par nuit vint au moustier, ourer vout, enz entra,<br>  li cors iert en la biere, li quens outre passa,<br>  devant l'autel s'en vint ; endementiers qu'il ora<br>  le cors bras estendit, en estant se drescha.<br>  Quant li dus out our&eacute; et il se regarda,<br>  vit le cors grant et gros, deables ressembla,<br>  et Richart trait l'espee si essaie si parla,<br>  un coup li a donn&eacute; et le cors tresbuscha,<br>  donc issi du moustier, en palefroi monta;<br>  la gent fist assembler, l'aventure montra,<br>  puiz fist le cors garder et bani et rouva<br>  que cors soul ne remainge par nuit se gent n'i a.<br>  Chevele&uuml;re out bloie, mez a rousor troubla.<br>  Cinquante anz et troiz plus sa terre justisa,<br>  empr&eacute;s la mort son pere qui vallet le lessa.<p>   Mout fu li quens tenus pour bon et pour leal,<br>  mout ama sez baronz et sa gent natural ;<br>  a lui firent Franchoiz mainte painne et maint mal,<br>  mainte foiz le tra&iuml;rent par ha&iuml;ngne mortal.<br>  Richart fu prouz a pi&eacute; et prouz fu a cheval,<br>  mainte bataille fist et maint estour champal,<br>  fier estoit et hardi en estour communal<br>  comme sengler cachiez quant a donn&eacute; estal ;<br>  bien sont sez anemis tornez du mont au val,<br>  en toute la lignie n'out un meillor vassal.<br>  Primes mist a Fescamp ordre chaignonial,<br>  mez sez fiz y fist puiz metre ordre monnial.<br>  Terre tint cinquante anz et troiz plus par egal,<br>  Dex crainst et ama, le pere esperital.<p>  Richart li viex fu fiz Guillaume Longue Espee<br> que li Flamenz tra&iuml;rent, ceu est chose provee,<br> en tra&iuml;son l'occistrent, n'i a nulle celee ;<br> par conseil as Franchoiz fu la chose achevee,<br> mez ja nen iert par moi par son aroi blasmee,<br> de celle tra&iuml;son fu grant la renommee.<br> Eu temps Guillaume fu Normendie doutee,<br> joie i out a plant&eacute; et paiz asse&uuml;ree,<br> puiz que li quens Rious fu hors de la contree,<br> que la gent et la pais avoit la gent troublee.<br> Fier fu et fort Guillaume et de ruiste ponee,<br> grant cors out et lonc bras, enforche&uuml;re lee,<br> chevele&uuml;re bloie auques rechercelee,<br> Jumeges, l'abe&iuml;e que Hastainz out gastee,<br> a de fieus et de rentes et d'avoir restoree ;<br> de Petou vindrent moingne que lor out amenee,<br> por Gerbout, se serour, qui la fu mar&iuml;ee.<br> Pope, mere Guillaume, de Baieues fu nee,<br> Vingt et cinq anz fu duc, moult out courte duree,<br> longuement en fu puiz Normendie effree,<br> Franchoiz lor firent faire mainte male jornee.<p>  Guillaume fu fiz Rou, au bon conquereour,<br> au vassal, au hardi, au bon combateour<br> qui fist mainte bataille et souffri maint estour ;<br> du lignage le claimment et le chief et la flour.<br> Tant guerrea Franchoiz et tant lor fist poour<br> que il s'entracorderent, paiz pristrent et amour<br> le roi qu'il tenoit li fist si grant honour,<br> Gille, une soue fille li donna a oisor,<br> et toute Normendie et dedenz et entour.<br> Rou fu de grant noblece et de moult grant vallor<br> plusors de sez voisinz le tindrent pour seignor ;<br> trente anz tint Normendie en sa bonne vigor.<p>  </TD> </TR> </TABLE> </CENTER><p>   &nbsp;<p> &nbsp;<p> <FONT SIZE=2> <I>Viyiz &eacute;tout:</I><p> <UL> <li><a href="wace.html">Maistre Wace</a><p> <li><a href="rou2.html">Prologue du Roman de Rou</a><p> <li><a href="wace2002.html">La Lanch'chie du Roman de Rou d&eacute; Wace</a><p> <li><a href="brelade.html">L'Eglise d&eacute; St.-Brelade et Maistre Wace. - A.D. 1111.</a><p> <li><A HREF="wacesull.html">L&eacute; vier L&icirc;ngo G&egrave;rriois et Robert Wace</A><p> </UL> </FONT>   &nbsp;<p> &nbsp;<p>  <CENTER><a href="http://www.societe-jersiaise.org/geraint/jerriais.html" target="_top"><img align=middle src="coolme2.jpg" width=156 height=129 border=0 alt="Les Pages J&egrave;rriaises"></a><p> <FONT SIZE=2><b><a href="http://www.societe-jersiaise.org/geraint" target="_top">R'tou &agrave; la page d'siez-m&eacute;  |  Back to home page</a></b></FONT> </CENTER>  </BODY> </HTML> 
