<HTML> <HEAD> <TITLE>La Reine en jaune</TITLE> <META  name="keywords" content="Jrriais, Jersey-French, language, Queen, royal visit, langue normande, patois normand, minority languages, langues rgionales, langues minoritaires, langues d'ol, folklore, dialect, linguistics, linguistique, Normandy, Normandie, Channel Islands, les anglo-normandes"> <META  name="description"  content="V&icirc;site d'la Reine en J&egrave;rri."> </HEAD> <body bgcolor="#ffffff" text="#000000" link="#ff0000" vlink="#215e21">  <CENTER><a href="http://www.societe-jersiaise.org/geraint/jerriais/" target="_top"><img align=middle src="coolme2.jpg" width=156 height=129 border=0 alt="Les Pages J&egrave;rriaises"></a></CENTER><p>  &nbsp;<p> &nbsp;<p>   <center><font color="#215e21"><h2>La Reine en jaune</h2></font></center><p> &nbsp;<p>  &nbsp;<p> <center><a href="reine2001.html"><img src="honmage.jpg" width="400" height="194" border=0 alt="La Reine, not' Duc, &agrave; &egrave;rch&eacute;ver l'honmage des Seigneurs dans l'Par Howard Davis, l&eacute; 13 d&eacute; Juilet 2001."></a><p> <i><font size="1">La Reine, not' Duc, (en jaune) &agrave; &egrave;rch&eacute;ver l'honmage des Seigneurs dans l'Par Howard Davis, l&eacute; 13 d&eacute; Juilet 2001.</font></i></center><p> &nbsp;<p>   <center><table> 	<tr> 		<td> Les oua&icirc;sieaux l&eacute; disent, et l's annimaux,<br> Les tchians tchi ouassent, les cats tchi mia&ucirc;nent,<br> Les mauves tchi piaillent, les souothis et les j'vaux.<br> I' disent: n&eacute; v'l&agrave; la Reine en jaune.<br> <br> Un vi&egrave;r vait-goutte &eacute;thait peu l'&egrave;rm&egrave;rtchi,<br> Ou m&ecirc;me eune taupe, ou un j'va b&ocirc;ne.<br> Faut-i' des longues-veues ou v&egrave;rres tchi<br> F'thaient appr&eacute;chi la Reine en jaune?<br> <br> N&acirc;nn&icirc;n. Oulle est bein cliaithe - nou la vait l&agrave;<br> Assise rouoyalement sus l'rouoge tr&ocirc;ne,<br> Entou&ocirc;rr&eacute;e d'vielles rouoges robes et neu ni&egrave;rs fas.<br> J'la vai, ma f&eacute;, la Reine en jaune.<br> <br> M&ecirc;me si les nattes d'av'nue sont d's&icirc;nfectantes,<br> Ou n'peut pon vaie nos b&ecirc;tes &agrave; c&ocirc;nes.<br> La fi&egrave;vre aphteuse est t&egrave;rribl'ye et m'nichante.<br> Mais - j'vai la Reine, not' Duc, en jaune.<br> <br> Rhythmiques, les photographeurs clyiquent, et tchiques<br> Journalistes happent lus microphones.<br> Deux maillards morts. Tchi pr&eacute;sent excentrique!<br> La Reine? Lyi, ou sou&ocirc;rit en jaune.<br> <br> Les journalistes, en explyitchant la sc&egrave;ne,<br> &Egrave;rgardent lus qu&eacute;m&eacute;reurs et pr&ocirc;nent:<br> &#147;Honmage&#133;. Seigneurs&#133;. c&eacute;r&eacute;monie ancienne&#133;.<br> Histouaithe&#133;. Reine&#133;. habilyie en jaune&#133;.&#148;<br> <br> J'vos r'dithai la nouvelle et j'l'&egrave;rdithai<br> Par e-mail, fax et t&eacute;l&eacute;phone.<br> J'dais l'dithe. I' faut raconter toute la jouaie<br> Car, m&eacute;, j'ai veu la Reine en jaune.<p> &nbsp;<p>  <i><a href="http://www.societe-jersiaise.org/geraint/" target="_top">Geraint Jennings</a><br> Juilet 2001<br></i>  		</td> 	</tr> </table></center><p>   &nbsp;<p> &nbsp;<p>  <FONT SIZE=2> <i>Viyiz &eacute;tout:</i> <ul> <li><a href="reine2001.html">La V&icirc;site d'la Reine, not' Duc, en 2001</a><p> <li><a href="duc.html">La Reine L&icirc;zab&eacute; II, Duc d&eacute; Nouormandie</a><p> <li><a href="queen.html#jerriais">Dgieu Sauve La Reine</a> - God Save the Queen<p> <li><a href="contcherant.html">D'scendante du Contch&eacute;rant</a><p> <li><A HREF="rouoyale.html">J&egrave;rriais: Langue Rouoyale!</A><p> <li><a href="gdfhonmage.html">Honmage au Duc d&eacute; Nouormandie</a><p> <li><a href="reine2000.html">L'Anniv&egrave;rsaithe d'la Reine</a><p> <li><a href="palais.html">Eune visite au Palais</a><p> <li><a href="rouoya.html">Du vocabulaithe Rouoya</a><p> <li><a href="princesse_margaret.html">La Mort d'la Pr&icirc;nc&ecirc;sse Margaret</a><p> <li><a href="reinemethe2.html">L'Ent&egrave;rrement d'la Reine M&eacute;the</a><p> <li><a href="reinemethe3.html">L&eacute; s&egrave;rmon d'l'Arch&ecirc;v&ecirc;que d&eacute; Cantorb&eacute;ry au s&egrave;rvice d'ent&egrave;rrement d'la Reine M&eacute;the</a><p> </ul> </FONT>  &nbsp;<p> &nbsp;<p>  <CENTER><a href="http://www.societe-jersiaise.org/geraint/jerriais/" target="_top"><img align=middle src="coolme2.jpg" width=156 height=129 border=0 alt="Les Pages J&egrave;rriaises"></a><p> <FONT SIZE=2><b><a href="http://www.societe-jersiaise.org/geraint/jerriais/" target="_top">R'tou &agrave; la page d'siez-m&eacute;  |  Back to home page</a></b></FONT></CENTER>  </BODY> </HTML> 
